Ársskýrsla Hafrannsóknastofnunar

Ávarp forstjóra

 Þorsteinn Sigurðsson var forstjóri Hafrannsóknastofnunar, rannsókna- og ráðgjafarstofnunar hafs og vatna, allt árið 2024 og bar því ábyrgð á rekstri stofnunarinnar það ár. Hann lét af störfum í lok september 2025 og undirritaður var þá settur forstjóri til 31. mars 2026. Þegar Þorsteinn lauk störfum var vinnsla þessarar ársskýrslu á lokametrunum og heldur hún sér þannig lítið breytt, þ.m.t. með inngangi Þorsteins.

Með kveðju,
Eggert Benedikt Guðmundsson

Starfsemi Hafrannsóknastofnunar árið 2024 var, líkt og fyrr, að stórum hluta helguð vöktun umhverfisþátta og auðlinda hafs og vatna.

Eins og fram hefur komið í fyrri ársskýrslum stofnunarinnar hefur hagræðingarkrafa stjórnvalda mörg undanfarin ár leitt til þess að dregið hefur úr vöktun lifandi auðlinda hafs og vatna á undanförnum árum. Einnig hefur verið dregið úr vöktun umhverfisþátta og úthaldi rannsóknaskipa stofnunarinnar. Nú má segja að viðsnúningur hafi orðið og við sjáum fram á auknar rannsóknir og vöktun á komandi árum bæði vegna aukins skilnings stjórnvalda á mikilvægi rannsókna á lífríki hafs og vatna sem og aukins fjármagns frá stjórnvöldum Jafnframt hefur verið umtalsverð aukning í verkefnum sem styrkt eru af erlendum samkeppnissjóðum. Styðja þau verkefni við og efla áhersluverkefni stofnunar og stjórnvalda m.a. um rannsóknir á líffræðilegum fjölbreytileika og búsvæðarannsóknum.

Með kveðju, 
Þorsteinn Sigurðsson

Lesa ávarp forstjóra